Aqueste dissapde lous praticans dé la lénque gascoune qu’an abut lou plasé dé récébe cinq gouyatotes é un gouyatot entaous ha énténe, é dise tabegn caouques mouts, la lénque cantante dé nouste aou téms dous ancièns tche né parlèben pas qu’aquére.
Après las préséntatiouns, lous maynatyes qu’estirén paste dé cruspères, heyte per la Régine.Que la coupén dap utis dou sutyèc dé Nadaou : sapins, estéles, pays Nadaous, anyous …
En so que la cousinère é hésè cose la paste, lous coches qué préparèn, dé las sous manottes, las décoratiouns dou pin, dat pér lou Michel de Mireflou. Cadun que poudou caousi ço que boulè péne aou pin après a-t abé arécoubert, ou pintrat, collat, plégat.
Quins broys pareméns heyts per aquéts maynatches applicats ! Quin broy pin de Nadaou a l’Amicale Laïque !
Aroun, qué s’a-t abèn méritat, qué brespéyem tous amasses dap cacao aou leyt arousat de crème blanque, cruspères, iranyes é boumboums.
Lous bespe qu’és féni per un counte « Petitoun qué Nadaou » préséntat per la Chantal tchou hésou tourna dise per lous coches.
Ets que partin counténs dou moumén passat dap nousatis, é nousatis, lous grans qu’ém hurous d’ous abé récébuts.
Un nébèt bespe qu’aoura loc aban las bacances d’iber. Qu’a-t héram sabé.