Lou diluns 16 de décéme 2013, lous gascouns de l’Amicale Laïque qu’èren embitats a passa la yournade a la paloumère dous Moncades de Mounségu.
Que-s trobe aou bort d’un riou.
La maye part qu’y anou. Que parquen las autos a Moncade é enta arriba à la casse que-s hésoun las cames en descende la coste. Que-s disoun : « aquères paloumes, aciou que se la caou gagna ! »
Arroun mantues explicaciouns qu’abisen lou trabalh dous piyouns. Aquets aousets que pouyren ha cirque tan qu’escouten la daoune. La sou missioun fénide, sounque en lous apéra que tournen trouba la caouye tout sous.
Lous noustes gascouns, dissipats é blagurs, que minyèn plan, que béboun tabegn, qu’aridoun, que pleteyen sus tout é arré, chens pensa a las paloumes.
Toutun, aquet charibari ne les eschunta pas. U boulade que-s paousa. Un cassedou que boulou tira mé que sou desbroumba d’arma lou fusil. Hurousemen un segoun tche ne bedè pas mey que la coude d’u que tira. Qu’estou prou enta que la paloume que cadi. Que la cerca é ne la trouba pas. Lou lendouman lou meste dou loc que trouba la pégote en tregn de-s bagna aou riou.
Lou bespe abançat, lou coco plegn de bude e de minya, lou cap plegn d’imayes é d’histoères a tourna dise, que calou pouya lou coustiquet dinca las autos enta entourna-s’en.
Que yuren qu’aquére yournade seré mercade sou calendrié.