Aqueste an lous gascouns que soun caduts sou cap. Qu’an bis carnabal lou dus d’abriou! E qu’an heyt la heste.
Très fumèles qu’arriben masquades.
Lous dus présidénts qu’èren embitats.
Tripes et saoucisses qu’èren toutes minjades. Lous pesquedous qu’abèn manquat lou pech d’où permè abriou.
Labets, lous uns que pourtèn, ognoasses, d’aouts ouéous, moules de guit, salade, grécherouns, paté, gourmandères enta ha passa l’apéro, binagréte, saou, bin, pan, grèche, roumatye, counfiture. La Dany et la Georgette que pourtèn lous caoussets.
Las fumèles qu’an cousineyat de bères moulétes d’ognoasses, arécaouhat las moules. En aquet téms, lous omis en bouns gascouns de Chalosse que soun partits ha a la galhères sou plané de la Chrypte de Sén Guirouns.
La boune aoulou de las moulétes coueytes qu’apéra tout lou mounde en taoule. Lous beyres en mans, las pléteyades qu’anoun boun tregn. Mé las fourchétes pourtades à la bouque quin silénce !
Enter de miey, cadun que racounta la sou histoère ou que-s trufa dou besin ou de la besie. Ne seré pas un répas de gascouns aoutumén.
Lous caoussets qu’arriben sus la taoule. Mantun biénè de dise que n’abè pas mey hami. Toutun, lous plats que’s abachen. Un boussin aroun l’aouts, lous caoussets que troubèn place dens lous estoumacs. N’én damoura pas dehet.
Biénou lou téms de ha lén, en so que serbin lou cafè. Lou Yan Miquéou que racounta l’intoère de la « Bombe H ». Boumbe H entaous sciéntifiques, arrébirade en « boumbasse » per l’adroumit.
Aban de s’en tourna que lhébèn lous couberts, que netéyen las taoules é caouques uns que hesoun la bachère. Touts que damourén denco que tout é s’y finit. Lous tche n’abèn pas la cabéde a la man que’s hiquen a ha u cantère tch’ aouré poudut countunia denca ou lendoulan de tan qué hesè plasé a enténe.
Lous dus présidéns ne parechoun pas eschuntats per la feyre gascoune.
Ne sey pas sé las ognouasses e’s soun heytes rémerca dens las maysouns, ou débat las prigues, la noeyt, lou péch d’abriou 2014 de nousatis gascouns que estat réussit.
